Aya Naon di Handeuleum Sieum Jeung di Hanjuang Siang

[Historiana] - Urang Sunda tangtu geus loma kana babasan: "Diteundeun di Handeuleum Sieum, ditunda di hanjuang Siang. paragi Nyokot ninggalkeun." Eta kalimah sering kadenge di na dongeng Radio. Jadi kapikiran sabenerna aya naon dina kalimat eta? Boa eta teh pituduh yen aya "Nu penting" nu disumputkeun ku karuhun urang zaman baheula.

Lamun urang ngabandingkeun kana carita para ksatria templar di nagara deungeun, aya pituduh mangrupa kalimah-kalimah siga kitu. Dicaritakeun yen para Ksatria Templar teh nyumputkan "Cawan Suci" kaageman Nashrani. Kalimah-kalimat nu mangrupa paribasa dijadikeun pituduh keur kanu apal. Naha sarua kitu jeung dina babasan Sunda "Handeuleum Sieum, Hanjuang Siang"?

Aya naon nu diteundeun atawa disumputkeun karuhun urang Sunda dina Handeuleum Sieum jeung Hanjuang Siang? Kitab Kahuripan atawa harta banda nu disebut Harta Karuan tea. Hayu urang maluruh, naon sabenerna eta babasan salian dipake sapopoe pikeun nyurubkeun babasan hungkul.

Handeuleum

Handeuleum nyaeta tutuwuhan (Graptophylum pictum Griff) pikeun ubar wasir (hemorrhoid) atawa ambeien, nyeri huntu, atawa pikeun awewe nu menopause.

Hanjuang

Hanjuang ata Andong (basa Jawa) oge mangrupa tutuwuhan (Cordyline) kaasup jenis bakung-bakungan. Biasana dijadikeun panghias taman.

Baca Juga

• Pitutur Sunan Ambu
• Cara Hirup Urang Sunda
• Gunung Padang dan Saha Urang Sunda Teh? - Cara Pandang Baru
• Saha Urang Sunda Teh? - Siapakah Orang Sunda itu? dan Siapakah yang Membangun Piramida Gunung Padang?

Hanjuang (Cordyline) mindeng dipaké salaku pepelakan panutup sarta ngawatesan dina widang sawah, kitu ogé perkebunan tea atawa kina di Indonésia. Hanjuang, utamana C. fruticosa, kasohor salaku hiji tutuwuhan panghias.

Hanjuan dauna dipaké salaku pamungkus dahareun. Hasil panalungtikan para ahli Biologi némbongkeun yén bungkus daun hanjuan boga kamampuan antibakteri.

Lamun merhatikeun eta dua tutuwuhan nu dipake babasan, Hanjuang jeung Handeulum dipake ubar jeung ayana dina taman. Dimana ayana taman? tangtu di karaton atawa tempat anu biasa dipake para menak jeung Raja. Jadi lamun kalimat: "Diteundeun di handeuleum sieum, ditunda di hanjuang siang" bisa jadi eta sisimpenan, tutundaan atawa teuteundeunan teh ayana di di walataran karaton raja.

Nu kudu dipikiran ku urang Sunda teh, Naon anu disimpen/ditunda/diteundeun eta? jeung Ayana dimana eta teuteundeunan?

Mugia hiji mangsa bakal kapedar jujutanana jeung kapanggih, dihin pinasti

Rahayu. Cag..!!!!!!